Tregtari francezo-italian i artit Giuliano Ruffini, i kërkuar nga autoritetet franceze për orkestrimin e një rrjeti shumë të përpunuar pikturash të falsifikuara, është arrestuar të premten e 18 nëntorit nga policia italiane.
Giuliano Ruffini, 77 vjeç, akuzohet se ka mashtruar muzetë, shtëpitë e ankandeve dhe koleksionistët privatë duke u shitur atyre piktura të falsifikuara të Mjeshtrave të Vjetër.
Ruffini është dorëzuar në polici në Castelnovo ne’ Monti, një qytet në rajonin Reggio Emilia të Italisë qendrore, ka thënë avokati i tij.
Arrestimi i Ruffini ka ardhur pas një maratone gjyqësore shumëvjeçare për të siguruar ekstradimin e tij në Francë, pas hapjes së një hetim në 2014 dhe është lëshuar një urdhër arresti evropian, raporton euronews.
Ruffini ka shitur dhjetëra piktura që nga vitet 1990, duke përfshirë vepra që u atribuohen mjeshtrave të mëdhenj si El Greco në muzetë prestigjioze evropiane, përfshirë Luvrin në Paris, shpesh duke përdorur ndërmjetës.
Pikturat e tij të rreme kanë tërhequr gjithashtu blerës të pasur, si Princi i Lihtenshtajnit, i cili kishte blerë një vepër arti të falsifikuar për shtatë milionë euro.