U shtohet masa e paraburgimit dy serbëve të arrestuar në Jarinjë për terrorizëm

Zëdhënësja e Gjykatës së Prishtinës, Mirlinda Gashi ka bërë të ditur për Dukagjinin se dy të arrestuarve në veri në maj të këtij viti i është shtuar masa e paraburgimit

Pika kufitare në Jarinje

U është vazhduar masa e paraburgimit dy shtetasve të Serbisë, Sinisha Jevtiq dhe Ivan Sekuliq, të dy të arrestuar nën dyshimet për terrorizëm në maj të këtij viti.

Për Dukagjinin, këtë e ka konfirmuar zëdhënësja e Gjykatës së Prishtinës, Mirlinda Gashi.

“Departamenti Special në çështjen penale kundër të pandehurve S.J dhe I.S, pas kërkesës së Prokurorisë Speciale të Republikës së Kosovës, ka vendosur për vazhdimin e masës së sigurisë. Departamenti Special i Gjykatës Themelore në Prishtinë ka aprovuar kërkesën e Prokurorisë Speciale të Republikës së Kosovës, për vazhdimin e masës së paraburgimit kundër të pandehurve  S.J dhe I.S, ashtu që masa e paraburgimit i është vazhduar edhe për 1 (një) muaj, për secilin”, ka deklaruar Gashi.

Lidhur me arrestimin e të dyshuarve, Policia e Kosovës kishte njoftuar se kishte arrestuar dy serbë, pasi u ishin gjetur “disa pajisje të kundërligjshme, përfshirë maska kamuflazhi, emblema me simbole nacionaliste, dokumentacione”.

Ndër gjërat që Policia kishte raportuar se kishte gjetur në veturën e tyre, ishin thika, flamuri serb, si dhe disa lloje të dyshuara të lëndëve narkotike.

Ata akuzohen për “përgatitje të veprave terroriste ose veprave penale kundër rendit kushtetues dhe sigurisë së Republikës së Kosovës”, “mbajtje në pronësi, kontroll ose posedim të paautorizuar të armëve”, dhe “pjesëmarrje në turmë që kryen vepër penale dhe huliganizmi”.

Dy të dyshuarve u ishte caktuar masa e paraburgimit më 1 qershor të këtij viti.

Shija e redaktorit

Shefja e katalunasve në Parlamentin e Spanjës: S’do të ndalemi...

Partia katalunase “Junts per Catalunya” kanë marrë një iniciativë në Parlamentin e Spanjës për t’i kërkuar Qeverisë së Spanjës njohjen e pavarësisë së Kosovës...

Mark Rutte do të jetë në krye të NATO-s

Mark Rutte do të jetë sekretari i ardhshëm i Përgjithshëm i NATO-s, pasi të 32 anëtarët e aleancës ranë dakord që kryeministri holandez në...

Nëna e Leotrimit: Djali im paska qenë i krejt Kosovës

Gjatë së martës, më 18 qershor, që shënonin 25-vjetorin e Ditës së Çlirimit të Skenderajt, është përuruar shtatorja Leotrim Ahmetit, 7-vjeçarit të vrarë gjatë...

Të fundit nga rubrika