YouTuber-i i kthyer në boksier, Jake Paul, ka konfirmuar se do të përballet me ish-kampionin e botës në peshat e rënda, Anthony Joshua, më 19 dhjetor në Kaseya Center, Florida.
Boksieri britanik, dy herë kampion i unifikuar i botës, do të ndeshet me Paul në një duel të vlefshëm për tetë raunde me doreza 10oz.
Fillimisht, Paul ishte planifikuar të përballej me Gervonta Davis, por ndeshja u anulua për shkak të një padie civile kundër kampionit të peshave të lehta, dhe Joshua mori vendin e tij si kundërshtar i ri.
Ky do të jetë ring-u i parë i Joshua-s që pas humbjes me nokaut ndaj Daniel Dubois.
“Jake apo kushdo tjetër mund të marrë këtë përballje. Pa mëshirë,” deklaroi Joshua, duke shtuar dramatizmin e duelit.