Presidenti i Venezuelës, Nicolás Maduro, së bashku me bashkëshorten e tij, ka lënë sallën e gjyqit pas përfundimit të seancës dëgjimore, e cila zgjati rreth 30 minuta.
Gjykata ka urdhëruar që Maduro të paraqitet sërish për seancën e radhës më 17 mars.
Gjatë diskutimeve për caktimin e datës, avokati mbrojtës i Maduros njoftoi se klienti i tij përballet me disa probleme shëndetësore dhe mjekësore, duke kërkuar që të pajiset me një formular përkatës, në mënyrë që të mund të marrë kujdesin e nevojshëm mjekësor gjatë paraburgimit.
Pas leximit të një përmbledhjeje të akuzave ndaj tij, Maduro u deklarua i pafajshëm në gjykatën federale në New York.
“Nuk jam fajtor”, deklaroi Maduro kur u pyet nga gjykatësi se si po deklarohej.
“Unë jam një njeri i ndershëm. Unë jam ende president i vendit tim”, shtoi ai para gjykatës.