Adnan Januzaj mund të rikthehet në futbollin anglez, disa vite pasi u largua nga ishulli.
27 vjeçari me origjinë nga Kosova është aktualisht futbollist i lirë, pas përfundimit të kontratës me Real Sociedadin.
Sipas mediave angleze, ai që dikur vlerësohej si ‘diamanti’ i Manchester United, mund të rikthehet në ligën më të fortë të futbollit në botë, mirëpo kësaj radhe të veshë fanelën e kaltër të Evertonit.
Aktualisht Januzaj po stërvitet me skuadrën e Malagas në Spanjë, ndërsa e ardhmja e tij pritet të mësohet shumë shpejt.
Futbollisti në fjalë përgjatë viteve ka ndryshuar disa herë ambient, mirëpo asnjëherë nuk e kishte gjetur formën ideale sikurse e kishte te Manchester United, madje kur ishte vetëm 18 vjeç.