Emisioni “Radar” me Edita Dolin në Radio “Dukagjini”, ka filluar javën e dëgjuesve, të hënën e 20 qershorit.
Çdo ditë, dëgjues besnikë të Radio Dukagjinit do të kenë mundësinë të bëhen pjesë e programit duke diskutuar me dëgjuesit dhe duke treguar më shumë për veten e tyre dhe arsyet përse ata janë aq të lidhur me radion.
Kjo javë e dëgjuesve të ftuar në studio ka filluar me Nori Spahija, i cili pati mundësinë që për herë të parë të ishte prezent në një studio të radios dhe, njëherësh, të bashkëbisedojë live me dëgjues përmes telefonatave.
Si çdoherë, në fillim të emisionit “Radar” diskutohet për vendet me radar, disa prej telefonatave të cilat i priti vetë Nori.
Nori punon për një kompani të prodhimit të pipave të letrës dhe, kryesisht, puna e tij ka të bëjë me shpërndarjen e mallit në Rrafshin e Dukagjinit dhe, sigurisht, radio mbetet shoqëruesi kryesor gjatë rrugës së tij në terren.
Në fund, ai tha se u nda shumë i kënaqur me eksperiencën e të qenit moderator i radios për pak minuta, dhe, gjithashtu, ka ndarë eksperiencat e njoftimit me dëgjues të tjerë në mënyrë të rastësishme në disa raste.
Të gjithë dëgjuesit e Radio Dukagjinit këtë javë do të kenë mundësinë të jenë mysafirë në studio për të provuar një eksperiencë të re.