Moti në Kosovë gjatë kësaj jave pritet të jetë i ndryshueshëm.
Nga e martja parashihen riga lokale shiu, ndërsa të premten reshjet mund të jenë mesatare deri të forta, me përqendrim në disa zona, ka njoftuar Instituti Hidrometeorologjik i Kosovës.
Ditët e tjera priten me mot të vranët dhe intervale me diell.
Temperaturat minimale do të lëvizin ndërmjet 0–3°C, kurse ato maksimale nga 5–16°C.
Era do të fryjë nga verilindja dhe veriperëndimi, me shpejtësi 1–9 m/s.
Reshjet e parashikuara do të përmirësojnë lagështinë e tokës, duke krijuar kushte të favorshme për përgatitjen e tokës dhe zhvillimin e kulturave pranverore.