Të martën e 2 gushtit, deputeti i vetëm shqiptar në Parlamentin e Serbisë Shaip Kamberi është takuar me ambasadorin e Shteteve të Bashkuara të Amerikës Christopher R. Hill në Ambasadën e ShBA-së në Beograd.
Në postimin e tij në Facebook Shaip Kamberi ka thënë se me ambasadorin Hill kanë bashkëbiseduar për kërkesat të cilat në emër të Koalicionit të shqiptarëve të Luginës ia kanë dhënë presidentit Vuçiq.
Sipas Kamberi këto kërkesa ishin për nevojën e realizimit të Planit 7-pikësh dhe për situatën në Luginë në përgjithësi.
Deputeti i vetëm shqiptar në Parlamentin e Serbisë ka përfunduar duke thënë se prezenca më e madhe e ShBA-së në Luginë dhe përkrahja e kërkesave legjitime ishin temë e bashkëbisedimit të tyre.