Kryeministri i Maqedonisë së Veriut, Dimitar Kovaçevski, ka folur në sesionin 77-të të Përgjithshme të Kombeve të Bashkuara në Nju Jork (SHBA), për çeljen e negociatave në mes të vendit të tij dhe Bashkimit Evropian(BE) për anëtarësimin e këtij shtetit në këtë union.
Sipas Kaovaçevskit, meritat janë të qetarëve maqedonas të cilët kanë pritur 17 vitet për t’i çelur negociatat me BE-në.
“Republika e Maqedonisë së Veriut nuk ka një alternativë tjetër që do të na lejojë një standard më të mirë jetese. Pavarësisht të gjitha vështirësive, BE-ja është ende opsioni më i mirë për të ardhmen tonë, e të fëmijëve tanë. Thjesht nuk kemi mundësinë dhe as privilegjin të heqim dorë tani”, ka thënë ai në Asamblenë e Përgjithshme të OKB-së.
Ndërkohë ai ka folur dhe për rëndësinë e paqes në Botë, ku ka thënë se “bashkimi është i nevojshëm për paqen dhe lirinë e qëndrueshme në botë”.
“Jemi të gjithë në të njëjtën varkë dhe nuk kemi zgjidhje tjetër veçse të solidarizohemi me njëri-tjetrin dhe të veprojmë të bashkuar në mbrojtjen dhe promovimin e vlerave thelbësore – lirisë dhe paqes në botë. Paqja arrihet përmes kompromiseve, por mbahet me mirëkuptim reciprok”.
Vlerat evropiane janë e vetmja rrugë për Maqedoninë e Veriut sipas Kovaçevskit.