Ambasadori i Kosovës në Britaninë e Madhe, Ilir Kapiti në emisionin “Dukat” në Radio Dukagjini ka thënë se vlera e vërtetë e blerjes së pronës për ambasadën kosovare, ka qenë 6.5 milion sterlington dhe jo sa thuhet në shtypin britanez.
Kapiti ka theksuar tutje se Republika e Kosovës ka paguar fiks shumën 5 milion 959 mijë e 125 sterlington, pra më pak se sa ka qenë prona në shitje.
“Mirëpo çmimi që Ambasada e ka paguar është më se i arsyeshme. Ajo çka kam pa në shtypin britanez, vlerën që e ka objekti, shumën që e kemi paguar na, është pak më e vogël sesa ajo që është thanë në shtyp. Çmimi që e kemi paguar pas negocimit. Në treg prona ka qenë për 6.5 milion sterlington, por pagesën që Republika e Kosovës e ka paguar është 5 milionë e 959 mijë 125 sterlington.”
Kriteri kryesor sipas Kapitit, që Republika e Kosovës e ka përmbushur kërkesën e familjes që ka shitur pronën ka qenë që “karakteri i ndërtesës duhet të jetë i njëjtë, të mos shndërrohet në pronë komerciale, ku ndërtohen banesat e ndryshme, ku pastaj shiten. E vetmja kërkesë e tyre ka qenë pra që të ruhet karakteri si një shtëpi në tanësi”.
Sa i përket liberalizimit të vizave, Kapiti ka thënë se “çështja e vizave po bëhet formalitet. Ka pas një ngecje në marrjen e vizave në Mbretërinë e Bashkuar për çështje teknike. Koha që pret për një vizë tani është ka shkurtohet. Nuk e shof se do të kemi probleme të tilla”.