Njësiti policore i stacionit të Podujevës, në fshatin Lupç, ka arrestuar në flagrancë katër persona të dyshuar për vjedhje.
Lajmin për Dukagjinin e ka konfirmuar zëdhënësja e Policisë së Kosovës për rajonin e Prishtinës, Flora Ahmeti.
Ajo ka bërë të ditur se rasti ka ndodhur në magjistralen Prishtinë-Podujevë, ku personat e dyshuar nga ekskavatorët që kanë qenë duke kryer punimet në atë zonë, kanë arritur të marrin sasi të ndryshme të derivateve.
“Rasti ka ndodhur në magjistralen Prishtinë -Podujevë, ku personat e dyshuar nga ekskavatorët (që po kryejnë punimet në atë zonë), kanë arritur të marrin sasi të ndryshme të derivateve”, ka thënë ajo.
Personat e dyshuar, tre nga ta të mitur, me vendim prokurorit të shtetit janë dërguar në mbajtje dhe ndaj tyre është iniciuar procedurë për veprën vjedhje.