Korporata Energjetike e Kosovës, ka reaguar përmes një postimi në Facebook pas rënies nga sistemi të bllokut “A3”, të dielën e 28 gushtit.
Ata kanë thënë që prishja ka ndodhur si pasojë e rrjedhjes së ujit e cila edhe ka bërë të pamundur funksionimin e tij.
“Sot rreth orës 10:00, në kaldajë të njësisë prodhuese A-3 janë shfaqur rrjedhje të ujit dhe si pasojë është pamundësuar mbajtja e kësaj njësie në operim”, shkruhet në postim.
Më tej kanë bërë të ditur se janë duke bërë përpjekje që ta rikthejnë njësinë në operim.
“Ekspertët e KEK-ut janë duke dhënë maksimumin për rikthimin e njësisë në operim në kohë optimale. Aktualisht ka filluar procesi i ftohjes së njësisë në mënyrë intensive, pastaj do të bëhet inspektimi i cili pason me sanimin e rrjedhjes në kaldajë dhe përgatitjet për kthimin e kësaj njësie në operim”, kanë vijuar.
Ndryshe, të dielën e 28 gushtit i janë kërkuar kufizime emergjente të energjisë elektrike KEDS-it nga KOSTT, si shkak i rënies nga sistemi të njësisë “A3”.
Rëndohet situata me furnizim të energjisë elektrike, bie nga sistemi blloku “A3”