Një kërcënim me armë ka ndodhur në zyrat e Komisionit të Pavarur për Miniera dhe Minerale.
Kjo është konfirmuar për KALLXO.com nga kryeinspektori i këtij komisioni, Naim Sejdiu.
Sejdiu ka njoftuar se për rastin është kontaktuar edhe Policia e Kosovës, përderisa ka thënë se më vonë mund të japë më shumë detaje shtesë.
KALLXO.com ka arritur të sigurojë edhe një fotografi nga rasti.
Në këtë fotografi shihet një armë, e cila pretendohet se është përdorur për kërcënim.
Ndërsa, Policia e Kosovës ka dhënë detaje rreth këtij rasti në raportin e saj 24-orësh, ku ka njoftuar se ka arrestuar personin në fjalë.
” Është arrestuar i dyshuari mashkull kosovar pasi që i njëjti pasi ka ekspozuar një armë-pistoletë dhe ka kryer veprën e lartcekur. Njësitet policore në vendin e ngjarjes gjatë kontrollit te i dyshuari kanë gjetur dhe konfiskuar një pistoletë me karikator dhe 8-fishekë. Pas intervistimit me vendim të prokurorit i dyshuari është dërguar në mbajtje “, thuhet në njoftimin e PK-së.