Asociacioni i Gazetarëve të Kosovës(AGK), ka reaguar pas kërcënimit me vrasje të dy gazetarëve nga Plus TV në Viti, duke e ftuar Policinë e Kosovës që të ofrojë siguri për komunitetin e gazetarëve.
“AGK-ja, e fton Policinë e Kosovës të kujdeset për sigurinë e gazetarëve dhe stafit tjetër të televizionit dhe të punojë intensivisht për identifikimin dhe arrestimin e personit përgjegjës për kërcënimin”, thuhet në reagimin e AGK-së.
Tutje ajo ka ngritur shqetësimin se kjo situatë është e rrezikshme.
“AGK-ja, e vlerëson shumë serioz dhe të rrezikshëm kërcënimin dhe e dënon në termat më të fortë”, ka përfunduar AGK-ja.
🚨🚨Kërcënohen me vrasje Fatos Hetemi dhe Irfan Maliqi nga Plus TV në Viti pic.twitter.com/kSDCIo9583
— AGK (@AGK_AJK) November 11, 2023