Ekipi i gazetarëve nga RTV Dukagjini është duke qendruar në veri të vendit, në lokacionin e njohur si Shkëmbi i Dudës dhe po raportojnë rreth operacioneve të KFOR-it, që po bëhen për t’i liruar në tërësi rrugët e bllokuara.
Tashmë është larguar kamioni i parë nga KFOR-i në vendin e njohur si Shkëmbi i Dudës. Po ashtu, janë duke larguar edhe dheun që është në kamionë.
Misioni paqeruajtës i KFOR-it në Kosovë ka bërë të ditur se janë duke i kryer disa operacione në veri të Kosovës, për ta mundësuar në tërësi lëvizjen e lirë.
“Misioni i KFOR-it po kryen operacione inxhinierike në veri të Kosovës për të hequr disa automjete të bllokuara në rrugë dhe për të rikthyer lirinë e lëvizjes në përputhje me mandatin e tij të OKB-së”, thuhet në njoftim.
Krahas kësaj, ka nisur edhe largimi i kamionit të dytë me ç’rast, ekipi i RTV Dukagjinit sjell pamje direkt nga terreni.
