Trupat italiane të KFOR-it kanë njoftuar se po patrullojnë kufirin në Istog dhe vijën kufitare të Prishtinës.
“Ushtarët italianë të caktuar në Komandën Rajonale në perëndim të KFOR-it të udhëhequr nga NATO kryen patrullime të rregullta përgjatë vijës kufitare administrative në komunën e Istogut.”
Këto patrulla, siç njofton KFOR-i, janë pjesë e aktiviteteve të përditshme të KFOR-it, për të siguruar një mjedis të sigurt lirinë e lëvizjes për të mirën e të gjitha komuniteteve që jetojnë në Kosovë.
Po ashtu, personeli gjerman nga Komanda Rajonale në Lindje e misionit të KFOR-it të udhëhequr nga NATO-ja ka kryer patrulla përgjatë vijës kufitare administrative në Komunën e Prishtinës.
“Këto aktivitete ndihmojnë në promovimin e sigurisë së qëndrueshme për të gjitha komunitetet lokale dhe për të konsoliduar stabilitetin,” thuhet në njoftimin e KFOR-it.
