Klubi i futbollit të vajzave Prishtina ka zbarkuar në Barcelonë. Aty shkuan me ftesë speciale nga klubi katalunas, ku do të qëndrojnë gjatë gjithë kësaj jave për të zhvilluar stërvitje të rregullta.
Vajzat e drejtuara nga trajneri Musa Selimi, do të kenë mundësi të artë të tregojnë aftësitë e tyre në njërën prej akademisë më të madhe në botë.
Në kuadër të kësaj ftese, do të zhvillohen edhe dy ndeshje miqësore.
Të enjten ato do të përcjellin gjysmëfinalen e UEFA Women Champions League, ku do të përballen Barcelona dhe Chelsea.
