Kina ka dërguar 53 tonë tenda dhe shumë ndihma urgjente të planifikuara në të ardhmen e afërt, për ta ndihmuar Turqinë, e cila është goditur nga tërmeti të dielën.
Tendat janë nisur nga Shangai dhe janë planifikuar të mbërrijnë në Stamboll të dielën.
Sipas pamjeve të transmetuara nga televizioni shtetëror CCTV, tendat e dërguara do të ndihmojnë në operacionet e ndihmës.
Grupi i parë i furnizimeve nga Qeveria e Kinës me 40 mijë batanije, ka arritur në Stamboll të shtunën e 11 shkurtit.
CCTV ka raportuar se Kina është duke planifikuar të dërgojë pajisje mjekësore, duke përfshirë makina elektrokardiograme, instrument diagnostikues me ultratinguj dhe automjete mjekësore dhe shtretër spitalorë.
Ndërkaq, ekipi i shpëtimit prej 82 anëtarësh i dërguar nga Qeveria kineze ka mbërritur në Turqi të mërkurën e 8 shkurtit.