Kryetari i Iniciativës Evropiane për Stabilitet (ESI), Gerald Knaus ka thënë se disa shtete po përpiqen ta bllokojnë votimin për anëtarësimin e Kosovës në Këshillin e Evropës, që pritet të bëhet në maj.
Në mesin e tyre, Knaus ka thënë se janë Gjermania dhe Franca.
“Në këtë moment disa qeveri anëtare të Këshillit të Evropës, përfshirë Gjermaninë dhe Francën, po përgatiten të bllokojnë votimin për pranimin e Kosovës në maj, duke injoruar rekomandimin e fortë të Asamblesë së saj parlamentare në prill”, ka shkruar Knaus në “X”.
Sipas tij, kjo vjen pas fushatës së presidentit të Serbisë, Aleksandër Vuçiq duke e përfshirë apelin që ia ka drejtuar presidentit të Francës që ta pengojë votimin për anëtarësimin e Kosovës në KiE.
“Kjo pason një fushatë të presidentit të Serbisë Vuçiq, duke përfshirë një apel personal drejtuar presidentit Macron që të mos lejojë një votim”, ka vijuar Knaus.
Tutje ai ka thënë se Këshilli i Evropës është i ndarë në një çështje kyçe: a kanë vlerë vlerësimet ligjore dhe votat në Asamblenë Parlamentare duke shtruar pyetjen se “A është anëtarësimi për merita apo thjesht vetëm politik”.
Javë më parë, Kosova mori dritën jeshile nga Asambleja Parlamentare për anëtarësim në Këshillin e Evropës.
Tani çështja ka kaluar në Komitetin e Ministrave, ku gjatë muajit maj pritet mbledhja dhe çështja e anëtarësimit të Kosovës në KiE ishte parashikuar të jetë në agjendë.
In Berlin, the morning of 25 April 2024 @BertelsmannSt 🇽🇰 Prime minister @albinkurti explained his determination to push for same-sex civil unions in the context of accession to @coe:
“we are strongly committed to the human rights of all minorities in Kosovo. We will therefore… https://t.co/xkV2gDAeIZ pic.twitter.com/3REZcCBz4U
— Gerald Knaus (@rumeliobserver) May 4, 2024