Komandanti i FSK-së, Gjeneral Bashkim Jashari ka pritur në takim ushtruesin e detyrës së ministrit të Mbrojtjes së Malit të Zi, Filip Adziq.
“Komandanti i FSK-së, Gjenerallejtënant Bashkim Jashari ka pritur sot në takim Ministrin e Mbrojtjes së Malit të Zi, z. Filip Adzic, ku së bashku biseduan për bashkëpunimin dhe mbështetjen dypalëshe”, ka njoftuar Forca e Sigurisë së Kosovës (FSK).
Në njoftimin e FSK-së thuhet se Gjeneral Jashari ka njoftuar ministrin Adziq, me të arriturat, zhvillimet, planet e FSK-së dhe përgatitjet finale për ushtrimin ndërkombëtarë “Defender Europe 2023”.
“Temë e takimit ishte edhe situata aktuale në Ukrainë dhe ndikimi në rajonin tonë”, thuhet tutje në njoftim.
Në këtë takim është dakorduar për vazhdimin e bashkëpunimit në fusha të interesit të përbashkët si dy shtete partnere.