Gjeneral majori i KFOR-it, Angelo Michele Ristuccia, ditën e hënë u takua me rektorin e Universitetit të Mitrovicës së Veriut, profesor Nebojsa Arsic dhe të gjithë dekanët e fakulteteve.
Në këtë takim u diskutua edhe për ngjarjet e ditëve të mëparshme në Zveçan dhe është theksuar rëndësia e arsimit për një të “ardhme stabile dhe pozitive për të gjitha komunitetet në Kosovë”.
“KFOR vazhdon të monitorojë situatën në Veri dhe lehtëson diplomatët dhe politikanët që përmes dialogut të hapur të gjejnë zgjidhjen më të mirë”, thuhet në postimin e NATO-s në Facebook.
Ata shtojnë që, detyra e universiteteve është që të edukojnë popullatën e të gjitha komuniteteve, “që të gjejmë zgjidhjen më të mirë para asaj të dhunës, dhe se për këtë KFOR-i do t’i mbështesë gjithmonë institucionet arsimore”.
KFOR-i vazhdon mandatin e tij qysh nga viti 1999, në bazë të rezolutës 1244 të Këshillit të Sigurimit të OKB-së, për siguri dhe liri të lëvizjes të të gjithë njerëzve që jetojnë.