Komuna e Fushë Kosovës ka shpërndarë dru për familjet e prekura nga vërshimet e ditëve të fundit që kanë prekur pothuajse të gjithë vendin.
Këtë për Dukagjinin e tha nënkryetari i komunës së Fushë Kosovës, Shpend Bardiqi.
Bardiqi bëri të ditur se shpërndarja e druve ka nisur që nga dita e enjte teksa numri i familjeve përfituese do të rritet gjatë ditëve në vijim.
“Komuna ka nisur shpërndarjen e druve për familjet e prekura nga vërshimet e ditëve të fundit që nga dita e enjte dhe ky proces ka vazhduar cdo ditë. Deri tani kanë përfituar 20 deri në 30 familje teksa numri po vazhdon të rritet”, u shpreh Bardiqi.
Bardiqi, mes tjerash, bëri të ditur se komuna do të vazhdojë të jetë pranë familjeve të prekura nga vërshimet.