Këshilli Komunal për Siguri në Bashkësi në komunën e Podujevës do të mbajë mbledhje të jashtëzakonshme për rastin e vrasjes së 18-vjeçarit.
Siç thuhet në njoftimin e komunës, mbledhja është thirrur nga kryetari Shpejtim Bulliqi, këtë të hënë prej orës 13:00.
Tema e mbledhjes do të jetë “Situata e përgjithshme e sigurisë në komunën e Podujevës”.
“Kryetari i komunës së Podujevës, z. Shpejtim Bulliqi, sot nga ora 13:00 me datë 22 janar 2024 ka thirrur mbledhje të jashtëzakonshme(urgjente) të Këshillit Komunal për Siguri në Bashkësi me temën; Situata e përgjithshme e sigurisë në Komunën e Podujevës”, thuhet në njoftimin e Komunës.
- Pamje të rënda: Momenti kur u rrah për vdekje 18-vjeçari nga Podujeva (Video)
- Vdekja e 18-vjeçarit nga Podujeva, konfirmohet masa e paraburgimit ndaj dy të dyshuarve të mitur
18-vjeçari me inicialet L.F., ka vdekur të shtunën e 20 janarit në Qendrën Klinike Universitare të Kosovës (QKUK), ku po trajtohej pasi ishte sulmuar nga dy të dyshuar më 14 janar.
QKUK-ja ka konfirmuar se viktima ka pasur lëndime të rënda në tru.
Prokuroria Themelore në Prishtinë fillimisht e kishte cilësuar rastin si “tentim vrasje”, por më pas e ka ricilësuar si “vrasje e rëndë”.
Të miturit janë ndaluar dhe u është caktuar masa e paraburgimit.