Të punësuarit në komuna të ndryshme, në veçanti ata në institucione publike, për shqetësimet e tyre shëndetësore janë drejtuar tek mjeku i punës.
Por të njëjtit, tani janë të paktë në numër.
Krejt kjo pasi në statusin e Qendrave të Mjekësisë Familjare, që nga vitit 2015 nuk figuron një shërbim i tillë që mund të ofrohet në QKMF-të.
Rrjedhimisht, pensionimi i mjekut të punë në komunën e Fushë Kosovës, kjo pozitë është shuar.
“E Komunës së Fushë Kosovës këtë e kryejnë tek mjekët familjarë. I njëjti status e ndalon edhe për pediatër e gjinekolog dhe s’kemi drejt më hap konkurse pasi nuk është e paraparë më statusin e QKMF-ve”, ka thënë drejtoresha e Shëndetësisë së Fushë Kosovë, Mimoza Kolshi.
Edhe të punësuar në ndërmarrje të ndryshme, thonë se nuk kanë marrë shërbime tek mjeku i punës.
“Nuk ka pas asnjëherë dhe kerkun s’kemi marr këtë shërbim. Unë kom punu në KEK dhe ne i kemi kry nga shërbimet e mjekëve por jo të komunës pasi kurr ka pas”, ka thënë Bardh Krasniqi, punëtor i KEK-ut.
“ Për qytetarin është problem kjo por komunat këto nuk munden mi zgjidh duhet ata të tjerërt”, ka thënë Xhevat Mehmeti, qytetar.
Rexhep Kaqurri, drejtor nga Instituti i Mjekësisë së Punës në Obiliq, e konsideron absurd faktin që tash e disa vite asnjë ministri nuk merret më këtë problem.
“ Deri vonë janë orientu tek mjekët familjarë por që të njëjtit nuk janë adekuat për të bërë një ekzaminim të punëtorët. Nëse impelmentohet fondi I sigurimeve shëndetësorë dhe fondi pensional atëherë automatikisht do të bllokohet puna pasi nuk ka kush e përcakton individualitetin e punëtorëve. Në krejt Kosovën janë vetëm tre mjek të punës aktivë”, ka thënë Kaquri.
Pavarësisht insistimit të televizionit dhe pyetjeve të dërguara tash e disa ditë për këtë temë nuk ka kthyer përgjigje Ministria e Shëndetësisë.