Rashit Qalaj, ish-drejtor i Policisë së Kosovës ka deklaruar se Presidenti i Serbisë, Aleksandër Vuçiqi po ndikon tek komuniteti serbë që jeton në Kosovë në forma të ndryshme.
Qalaj në “Five” u shpreh se është vështirë të ndalet ndikimi serb deri sa ekziston “sistemi paralel i arsimit dhe të tjera profesioneve” në vend dhe marrja e ndihmave nga Serbia.
“Serbia ka ndërhyrë tek komuniteti serbë për të votuar tek Lista Serbe. Ndërhyrje e pastër për ndryshim mendje dhe orientuar votën tek komuniteti serbë dhe votuar Listën Serbe. Presidenti i Serbisë dhe shteti serbë në mënyrë të vazhduar është duke ndikuar tek veriu i Kosovës. Sepse në vend ekzistojnë struktura paralele, ekziston arsimi paralel serb, shëndetësia, ata njerëz paguhen nga Serbia, Marrin shtesa nga shteti serb. Serbia i këcënon, i ndalon dhe i merr në pyetje, i përdorë krejt mekanizmat që kpomuniteti serb të mendojë njëjtë si në Serbi.
Qalaj tha se Kosova duhet të i trajtojë temat e sigurisë së veriut të trajtohet me ndërkombëtarët dhe të jetë “problem politik” dhe pjesë e dialogut në Bruksel.