Me 13 janar do të mbahet koncerti përmbyllës i edicionit të katërt të Festivalit Ndërkombëtar të Klarinetit në Kosovë. Ky festival do të zhvillohet brenda në hapësirat e atelesë të Pallatit të Rinisë dhe Sportit në Prishtinë duke filluar prej orës 20:00.
Kështu ka bërë të ditur drejtori i Koncertit Recital të Festivalit Ndërkombëtar të Klarinetit në Kosovë, Blerim Emerllahu tek emisioni “Reload” në RTV Dukagjini.
“Ky edicion i festivalit do të ketë tingujt e klarinetistit ndërkombëtar, Corrado Giuffredi i shoqëruar nga pianisti Federico Nicoletta”, ka thënë Emerllahu.
Emerllahu ka thënë se “koncertet deri më tani kanë qenë free. Po ashtu edhe ky tani është free veçse duhet të bëhet termin për të siguruar një ulëse. Poashtu ka edhe një interes gjithëandej për të ndjekur këtë koncert”.
Ndërsa si ekskluziviteti kryesor i këtij koncerti do të jetë vetëm për Corrado Giuffredin.
“Klarineta si instrument është i rëndë sikurse ti kur thua një fjali dhe merr frymë aq është. Ka paraqitje por nuk është e vështirë. Ka një teknik të vetën. Logjikisht frymëmarrja është e njëjtë, por edhe frymëdhënia është njësoj”, ka shtuar ai
Ndryshe, Corrado Giuffredi, klarinetisti i mirënjohur italian, nisi rrugëtimin e tij muzikor në moshën 10-vjeçare kur filloi studimet në Konservatorin e Muzikës në Parma.
Përkushtimi dhe talenti i tij e bënë atë të diplomohej me nota dhe nderime të larta, duke shënuar fillimin e një karriere të jashtëzakonshme.