Shefi i kabinetit të Kryetarit të Kuvendit, Ilir Kërçeli, ka konfirmuar vizitën e Glauk Konjufcës në Hagë, vizitë e cila do të realizohet më 17 qershor.
Përmes një postimi në Facebook, Kërçeli ka thënë se “Bashkë me kryeparlamentarin Konjufca me datën 17 qershor, udhëtojmë për t’i vizituar ish-krerët e UÇK-së në Hagë”.
Të premten e 10 qershorit, Kërçeli ka konfirmuar shkurt vizitën e Konjufcës në Hagë, pa dhënë detaje të tjera për RTV Dukagjinin.
“Kryeparlamentari do t’i vizitojë të gjithë. Arsye specifike nuk ka, ata janë qytetarë të vendit tonë”, kishte thënë Kërçeli.
Në Hagë, ish-liderët e UÇK-së, pos vizitave nga anëtarët dhe deputetët e PDK-së, janë takuar edhe me kryeministrin e Shqipërisë, Edi Rama.
Thaçi e Veseli pranojnë ta takojnë kryeparlamentarin Glauk Konjufca