Kryetari i Kuvendit të Republikës së Kosovës, Glauk Konjufca, gjatë ditës së martë ka pritur në takim lamtumirës ambasadorin e Turqisë në Kosovë, Çağrı Sakar.
Konjufca ka falenderuar ambasadorin turk, Sakar për bashkëpunimin e frytshëm dhe kontributin e tij në thellimin e marrëdhënieve dypalëshe.
“… Kryetari i Kuvendit shprehu mirënjohje për mbështetjen e vazhdueshme të Republikës së Turqisë ndaj Republikës së Kosovës në proceset e shtetndërtimit dhe fuqizimit të subjektivitetit ndërkombëtar”, thuhet ndër të tjera në njoftimin zyrtar të Kuvendit.
Në takim u vlerësuan të shkëlqyera raportet e deritashme dhe u ritheksua gatishmëria e dyanshme për avancimin e mëtutjeshëm të bashkëpunimit në fusha me interes të përbashkët.