Policia e Kosovës, në bashkëpunim me njësitë e Task Forcës, në kuadër të Policisë Kufitare – Lindje, kanë identifikuar një mjet të dyshuar pa targa që ka hyrë ilegalisht në territorin e Kosovës nga Maqedonia e Veriut.
Pasi është ndaluar mjeti i dyshuar, drejtuesi mashkull kosovar, është legjitimuar nga autoritetet policore.
Gjatë kontrollit të mjetit, janë gjetur dhe sekuestruar mallra të dyshuara për kontrabandim, pa dokumentacionin e nevojshëm.
Mallrat e dyshuara për kontrabandim janë:
- 99 pako me nga 12 kg mjaltë,
- 1188 copë kavanoz qelqi,
- 100 pako me çajra për dobësim “Nerox”,
- 200 pako me çajra “Detoxs”,
- 300 copa sprej “Viga 150000”,
- 100 kutia x12 copë “Exellent Q7”,
- 200 copa “Titan Gel”.
Pas këtij operacioni të suksesshëm, siç ka njoftuar Policia e Kosovës, prokuroria kompetente ka vendosur të iniciojë një rast zyrtar me akuzën e “kontrabandimit me mallra”.
Mallrat e sekuestruara janë dërguar në terminalin doganor për hetim më të hollësishëm.