Pas tërmetit që ka goditur Turqinë dhe Sirinë, konviktet e universiteteve në Turqi kanë hapur dyert për të prekurit nga tërmeti, ndërsa mësimi për studentët do të vazhdojë online.
Presidenti i Turqisë, Recep Taip Erdogan ka vendosur që universitetet në vend të mbyllen deri në verë.
“Kemi vendosur që të gjitha universitetet të mbyllen deri në verë. Konviktet ku qëndrojnë studentët janë në dispozicion të qytetarëve që janë të prekur nga tërmeti”, ka thënë Erdogan.
Presidenti turk ka thënë se të gjitha janë kthyer në qendra pritëse për qytetarët e prekur nga tërmeti.
“Për personat që duan të jetojnë në një banesë të re do t’ju mundësojmë që të vijojnë jetën e tyre duke dhënë bonusin e qerasë”, ka shtuar Erdogan.
Tutje Erdogan ka theksuar se banesat e reja në zonat e goditura nga tërmeti do të përfundojnë brenda një viti.
Mes tjerash, Turqia është në zi kombëtare deri në të dielën e 12 shkurtit, derisa ka shprehur gjendje emergjente për 3 muaj. KP