Një ditë pasi vendi konfirmoi rastin e parë zyrtar të coronavirusit që nga fillimi i pandemisë, Koreja e Veriut ka njoftuar vdekjen e parë nga COVID-19.
Agjencia Qendrore e Lajmeve e Koresë së Veriut (KCNA) ka njoftuar se 350 mijë njerëz janë trajtuar nga ethet që janë përhapur në të gjithë vendin.
KCNA ka thënë se pesë persona kanë vdekur, por arsyet e vdekjeve nuk janë ende të qarta.
Të enjten, udhëheqësi i vendit urdhëroi një bllokim të rreptë kombëtar, pasi media shtetërore kishte konfirmuar shpërthimin e parë zyrtar të COVID-19 nga një numër i paspecifikuar njerëzish në kryeqytetin Pyongyang, të cilët u infektuan me variantin Omicron.
North Korea announces first COVID death with 350,000 treated for fever spreading 'explosively', state media says https://t.co/8UurmkeuSE
— Sky News (@SkyNews) May 13, 2022
Ai ka shtuar se dje është zbuluar se 18 mijë njerëz kanë simptoma të etheve, ndërsa 187,800 njerëz janë izoluar për trajtim.
Ndërkohë, lideri korean Kim Jong-un ka vizituar selinë e parandalimit të epidemisë të enjten, ku ka kritikuar zyrtarët shëndetësor për dështim në parandalimin e pandemisë.
Koreja e Veriut deri më tani ka shmangur vaksinat e ofruara nga skema e shpërndarjes COVAX e mbështetur nga OKB-ja, sepse sipas tyre, ato kanë kërkesa ndërkombëtare për monitorim.
Disa ekspertë kanë thënë se, njoftimi i shpërthimit mund të sinjalizojë një gatishmëri për të marrë ndihma nga jashtë vendi.
Të enjten,zëdhënësi i Ministrisë së Jashtme kineze, Zhao Lijian, ka thënë se Pekini i ka ofruar ndihmë Koresë së Veriut.
Ministria e Unifikimit e Koresë së Jugut, e cila merret me çështjet ndërkoreane, ka thënë se ishte e gatshme t’i ofronte ndihmë mjekësore dhe ndihma të tjera Koresë së Veriut.