Kryeministri i Maqedonisë së Veriut, Dimitar Kovaçevski ka thënë se metodologjia e re që ka miratuar qeveria e drejtuar nga ai, ka siguruar rritjen më të lartë historike të pensioneve.
Sipas Kovaçevskit, pensionet janë rritur për 1000 denarë, dhe ky vendim do të zbatohet qysh nga muaji i ardhshëm.
“Çdo pensionist në tre muajt e ardhshëm, do të marrë plus 1000 denarë në llogarinë e tij, si mbështetje financiare në kohë krize”.
“Përveç këtyre mjeteve, me metodologjinë e re që kemi miratuar, kemi siguruar rritjen më të madhe historikisht të pensioneve”, ka shkruar Kovaçevski në rrjetin social Facebook.
