Njohësi i çështjeve politike, Nezir Kraki, ka thënë se Kosova nuk mund të marrë veprime për zbatim të marrëveshjes me Serbinë, duke u bazuar vetëm në premtime.
Ai, në “Five” të TV Dukagjinit, tha se Kosova s’e ka obligim t’u përgjigjet kërkesave të Serbisë.
“S’mundet Kosova me ndërmarrë veprime që e riorganizojnë kushtetushmërinë e saj me shpresën e premtimin e Lajckaut. Askush nuk është zotu, Brukseli është zotu çdo muaj. Para disa muaje Serbia e ka hedh posht gjithë kuadrin e Brukselit”, tha ai.
Ai theksoi se “s’ka arsye reale që Kosova duhet të ndërmarrë diçka të asaj natyre për me kriju diçka brenda Kosovës, pa u qartësu edhe pozicioni i Serbisë edhe i BE-së”.
Kraki u shpreh se marrëveshjet si ajo e Brukselit dhe e Ohrit janë “shumë të mira për Kosovën”.