Kryetari i PDK-së Memli Krasniqi, përmes një postimi në Facebook, ka pretenduar se nga një qershori deri më 31 gusht të vitit 2022 në Kosovë kanë hyrë 222,274 vetura me mërgimtarë, të cilat sipas tij e kanë paguar polisën e sigurimit në kufi.
Ai e kritikuar Qeverinë e Kosovës, duke thënë se ka vendosur procedura të panevojshme për të aplikuar mërgimtarët në mënyrë që të rimbursohen.
“Nga 1 qershori deri më 31 gusht 2022 në Kosovë kanë hyrë 222,274 vetura me mërgimtarë. Të gjithë, pa përjashtim, kanë paguar polisën e sigurimit në kufi. Për shkak të procedurave të komplikuara burokratike që i ka vendosur Qeveria, vetëm 11,923 mërgimtarë kanë aplikuar për rimbursim, ndërkaq, deri sot, vetëm 8,845 prej tyre kanë përfituar rimbursimin”, ka shkrurar Krasniqi.
Për këtë arsye, Krasniqi e ka quajtur Qeverinë e Kurtit, mashtruese dhe zhvatëse të të pasurisë së mërgimtarëve.