Kryetari i PDK-së, Memli Krasniqi gjatë ditës së mërkurë ka vizituar Ambasadën e Turqisë, për të nënshkruar në Librin e Ngushëllimeve me rastin e tragjedisë së tërmetit që u mori jetë mijëra njerëzve.
Krasniqi këtë e ka bërë të ditur përmes rrjeteve sociale dhe iu ka shprehur ngushëllime të gjitha familjeve që kanë humbur me të dashurit e tyre dhe duke iu uruar shërim të shpejtë të lënduarve.
“Ngushëllimet më të thella të gjitha familjeve që kanë humbur më të dashurit e tyre dhe uroj shërim të shpejtë për të gjithë të lënduarit”.
“Duke shprehur solidarizimin e plotë me dhembjen dhe vështirësitë që po kalon populli turk në këtë orë të errët, uroj që sa më parë, si popull dhe si shtet të gjejnë forcën dhe të ringriten nga kjo fatkeqësi” ka shkruar ndër të tjera Krasniqi.