Kryetari i Partisë Demokratike të Kosovës (PDK), Memli Krasniqi, së bashku më bashkëpartiakë kanë bërë homazhe te varrezat e Jasharëve në Prekaz, në 16-vjetorin e Pavarësisë së Kosovës.
Krasniqi ka thënë se në këtë ditë të përvjetorit të Pavarësisë përkujtohen të gjithë të rënët për lirinë e popullit të Kosovës.
Ai me këtë rast ka uruar edhe ish-krerët e UÇK-së që po mbahen në Hagë.
“Për të shfaqur edhe njëherë Respektin dhe përuljen para sakrificës sublime të Jasharëve dhe për të uruar dhe përkujtuar të gjithë të rënët për lirinë e popullit tonë. Në këtë moment, po ashtu, dëshirojë t’i uroj të gjithë ushtarët e UÇK e në mënyrën më të veçantë t’i rojë për këtë ditë të Pavarësisë udhëheqësit e UÇK që po mbahen padrejtësisht në Hagë, presidentin Thaçi, ish-kryetarët e Kuvendit, Kadri Veseli e Krasniqi, ish-deputetin Selimi e ish-bashkëluftëtaret e tyre. Kjo është dita ku besoj se secili prej nesh duhet të ripërkushtohet dhe t’i ripërsërisë zotimet tona për t’i shërbyer Kosovës ndershëm e drejtë, për të punuar për një të ardhme më të mirë për secilin qytetarë të Kosovës. Gëzuar 16-vjetori i Pavarësisë të gjithëve e paqmi Kosovën përjetë”, ka thënë Krasniqi.
Ndryshe, sot bëhen 16 vjet qëkur Kosova u shpall shtet i pavarur. Shpallja e Pavarësisë së Kosovës është bërë më 17 shkurt të vitit 2008, në ora 15:39, në Kuvendin e Republikës së Kosovës.