Kryetari i Partisë Demokratike të Kosovës, Memli Krasniqi, ka kujtuar mbretëreshën e xhudos kosovare, Majlinda Kelmendi, e cila i solli Kosovës medaljen e parë të artë olimpike.
“Shtatë vjet më parë, në Rio De Janeiro, mbretëresha e xhudos sonë – Majlinda Kelmendi, i solli Kosovës medaljen e parë të artë olimpike! Çfarë kujtimi!”, ka shkruar Krasniqi.
Ndryshe, xhudistja Majlinda Kelmendi i ka sjellë Kosovës medaljen e parë të artë olimpike, pas triumfit në finale ndaj italianes Odette Giuffrida.
Ajo pati triumfuar në kategorinë deri në 52 kilogramë në Lojërat Olimpike “Rio 2016”. Kosova ishte futur për herë të parë në mesin e shteteve që kanë fituar medalje të artë nga këto Lojëra Olimpike.
Me këtë rast, Kelmendi kishte shkruar historinë e shtetit të Kosovës duke fituar medalje të artë në pjesëmarrjen e parë të Kosovës.