Krim i rëndë ishte raportuar në mëngjesin e 22 gushtit e 2021-ës.
Margona Osmani vetëm 18 vjecare ishte vrarë në mënyrën më mizore. E I dyshuari kryesor doli të jetë i dashuri i saj, Dardan Krivaqa që u ndihmua edhe nga shoku i tij Arbër Sejdiu.
Ata u arrestuan e u dërguan në burg. Për Kirvaqën në gushtin e vitit të kaluar gjykata themelore e Ferizjat e dënoi me burgim të përjetshëm, ndërsa Sejdiun me 15 vjet burgim.
Por këtë vendim, Gjykata e Apelit e ka kthyer në rigjykim këtë rast.
Në njoftimin e Apelit të premten thuhet se Krivaqa dhe Sejdiu do të mbeten në paraburgim, deri në një vendim tjetër nga ana e gjykatës së shkallës së parë.
Apeli ka gjetur një sërë shkeljes nga themelorja e Ferizajt.
Gjykata e Apelit thuhet se “Apelit ka gjetur se shkeljet esenciale të dispozitave të procedurës penale konsistojnë në faktin se dispozitivi I dhe II i aktgjykimit të ankimuar është i pa qartë, i pa kuptueshëm dhe jo në harmoni me dispozitat ligjore të cilët formojnë elementet e veprave penale për të cilat të akuzuarit janë shpallur fajtor, për të akuzuarin e parë i referohet privimit nga jeta të personit tjetër në mënyrë mizore apo dinake dhe jo për motive xhelozie, ndërsa përkitazi me pikën 1.4 të nenit 173 të KPRK, kolegji gjykues i shkallës së dytë ka theksuar se një rrethanë e tillë duhet të vërtetohet nga ekspertet e fushës përkatëse, e që në rastin konkret nuk është bërë nga ana e gjykatës së shkallës së pare”.
Ndërsa sa i përket të akuzuarit Arbër Sejdiut, Apeli ka vlerësuar se në raport me veprën penale nuk janë dhënë arsye të qarta dhe konkrete nëse veprimet e tij janë në pajtueshmëri me tiparet e veprës penale për të cilën i njëjti është shpallur fajtor.
Mirëpo, nga Instituti i Kosovës për Drejtësi thonë se mundësinë e rikthimit të rastit në rigjykim e kanë paralajmëruar më herët.
Flamur Gashi – IKD ka deklaruar se “Sipas aktakuzës, Dardan Krivaqa dyshohet se më 21 gusht 2021, rreth orës 10:14, në banesën e tij, pa pëlqimin e tani të ndjerës Marigona Osmani, e kishte detyruar atë të kryente marrëdhënie seksuale dhe e kishte abuzuar e maltretuar në forma të ndryshme”.