Ministrat e Brendshëm të vendeve anëtare të Bashkimit Evropian kanë arritur të enjten pajtueshmëri për pranim të Kroacisë në zonën Schengen.
Në Zonën Schengen nuk janë pranuar Bullgaria dhe Rumania. Dy shtete anëtare ishin kundër hyrjes së tyre në këtë zonë.
Presidenti i Republikës së Kroacisë, Andrej Plenković, në një postim në Twitter ka konfirmuar se Kroacia në kushte unanimiteti ka marrë dritën jeshile për zonën Schengen, duke shtuar se qeveria e tij ka arritur qëllimet e synuara.
Hrvatska je dobila jednoglasnu podršku Vijeća za unutarnje poslove i pravosuđe – 1. siječnja 2023. postajemo članica #Schengen! U godini isporuke ostvarili smo strateške ciljeve @VladaRH, od kojih će najveću korist imati 🇭🇷 građani i gospodarstvo!
✅ #Eurozone
✅ #Schengen pic.twitter.com/mPCGMpGZ1E— Andrej Plenković (@AndrejPlenkovic) December 8, 2022
“Ekonomia dhe qytetarët do të përfitojnë pozitivisht”, ka thënë ai.
Ndërkaq, Ministri i Brendshëm i Republikës së Kroacisë, Davor Božinović ka thënë në një postim në Twitter se “Kroacia ka përmbushur gjitha kushtet, kaluam një proces të gjatë dhe kërkues dhe vendimi u mor me marrëveshje të plotë në Këshillin për Punë të Brendshme”.
Hrvatska je u Schengenu!
Na našem europskom putu više nema granica. Ispunili smo sve uvjete, prošli dug i zahtjevan proces te je na Vijeću za unutarnje poslove odluka donesena u potpunom suglasju.
S Hrvatskom u Schengenu na dobitku su svi – građani, gospodarstvo, Hrvatska i EU. pic.twitter.com/zgwM3aiy7t— Davor Božinović (@DavorBozinovic) December 8, 2022
Mbështetje të miqve
Komisioni Evropian u ka bërë thirrje vendeve të bllokut evropian që të mundësojnë hyrjen e këtyre shteteve në zonën e lëvizjes së lirë, mirëpo jo të gjitha shtetet e kanë mbështetur propozimin.
Kancelari austriak, Karl Nehammer, ka thënë të martën se Qeveria e tij është e gatshme të pranojë Kroacinë, mirëpo është kundër pranimit të Rumanisë dhe Bullgarisë për shkak të shqetësimeve për migrimin.
Parlamenti i Holandës e ka miratuar një rezolutë në muajin tetor, duke thënë se nevojitet analizë më e thuktë për funksionimin e rendit dhe ligjit, por edhe nivelin e luftimit të korrupsionit në Bullgari dhe Rumani.
Përpjekjet e Bullgarisë dhe Rumanisë për të hyrë në këtë zonë, janë bllokuar për më shumë se një dekadë, prej kur Komisioni ka vlerësuar se këto dy vende janë të gatshme për anëtarësim.
Vendet anëtare duhet të miratojnë në mënyrë unanime pranimin e një shteti të ri.
Zona Schengen – me 26 vende anëtare – nënkupton pezullim të kontrolleve kufitare mes vendeve anëtare dhe u mundëson qytetarëve të udhëtojnë, punojnë dhe jetojnë në një shtet tjetër anëtar, pa pasur nevojë për viza apo leje tjera shtesë.
Bullgaria, Rumania, Kroacia, Irlanda dhe Qiproja, janë vendet e vetme të BE-së që nuk janë pjesë e zonës Schengen.
Në anën tjetër, Islanda, Norvegjia, Zvicra dhe Lihtenshtajni, nuk janë vende të BE-së, por janë anëtare të zonës Schengen.
