Kompania Rajonale e Ujësjellësit “Prishtina” ka njoftuar se në Fushë Kosovës, në lagjen Kalabria dhe në Zonën Industriale ka pasur turbullira të ujit pas reshjeve atmosferike.
Këto turbullira, sipas KRU-së “Prishtina” janë mjaft të larta. Nga këto turbullira pamundësohet trajtimi i ujit në sasi më të mëdha.
“Por drejtoria teknike me ekipe është vazhdimisht në teren dhe presim qē uji të lëshohet sot nga ora 17:00 deri nē 21:00, ndërsa ditën e nesërme do të ketë ujë nga ora 07:00-09:00”, ka njoftuar KRU “Prishtina”.
KRU “Prishtina” ka shtuar se turbullira është jashtëzakonisht e lartë në kanal, “andaj me kapacitete teknike jemi duke bërë çmos që së paku të keni ujë sot nga ora 17:00-21:00, për aq kohë sa stabilizohet situata e krijuar pas reshjeve”.
Pos tjerash njoftohet se në Drenas do të ketë çrregullime të kohë pas kohshme.