Kryeministri i Kosovës, Albin Kurti, është pritur në rezidencën shtetërore në Pallatin Alaska nga i pari i Qeverisë së Japonisë, Fumio Kishida, gjatë ditës së dytë të qëndrimit të delegacionit kosovar në Tokio.
Kurti, në emër të popullit dhe qeverisë së Kosovës, i ka shprehur ngushëllime kryeministrit japonez, për vdekjen ish-Kryeministrit Shinzo Abe.
“Japonia është vend shumë i rëndësishëm i G7, me të cilën ne ndajmë pikëpamje të njëjta vlerore dhe strategjike”, ka shkruar Kurti teksa ka shtuar se është mirënjohës për ndihmën dhe mbështetjen e vazhdueshme japoneze për zhvillimin e Kosovës.
“Tregova për të arriturat socio-ekonomike të Kosovës dhe interesimin tonë për investime nga Japonia, teksa konfirmova pjesëmarrjen tonë në EXPO Osaka 2025”, ka theksuar ai.
Në fund, i pari i qeverisë së Kosovës e ka ftuar homologun japonez që ta vizitojë Kosovën.