Kryeministri i Pakistanit, Shebaz Sharif ka thënë se “madhësia e fatkeqësisë” është më e madhe se sa pritej, pasi vizitoi zonat e goditura nga përmbytjet. Sharif po fliste nga provinca Sindh, e cila ka pasur gati tetë herë reshjet mesatare të saj në gusht.
Përmbytjet kanë vrarë rreth 1 mijë njerëz në të gjithë Pakistanin që nga qershori, ndërsa mijëra janë zhvendosur dhe miliona të tjerë janë prekur.
Shkalla e plotë e shkatërrimit në krahinë ende nuk është kuptuar plotësisht por njerëzit e përshkruan atë si fatkeqësinë më të keqe që e kanë mbijetuar.
Përmbytjet nuk janë të rralla në Pakistan, por njerëzit këtu thanë se këto shira më shumë se çdo gjë që është parë ndonjëherë. Një zyrtar lokal i quajti ato “përmbytje të përmasave biblike”, raporton BBC.
Në një fshat, njerëzit kanë nevoja ushqimre, në një tjetër, shumë fëmijë kanë zhvilluar sëmundje të shkaktuara nga uji.
Një vajzë 12-vjeçare tha se ajo dhe motra e saj e vogël nuk kishin ngrënë për një ditë. “Nuk ka ardhur ushqim këtu, por motra ime është e sëmurë, ka të vjella”, tha vajza 12-vjeçare. Gjatë kësaj periudhe të përmbytjeve në Pakistan dëshprimi është i dukshëm në çdo komunitet.
Në përmbytjet në Pakistan janë përfshirë mbi 30 milionë njerëz