Kryeministri i Kosovës, Albin Kurti, të martën është takuar me Shefin e Zyrës së Bashkimit Evropian, Tomas Szunyog dhe me ambasadorët e vendeve të Quint-it.
Sipas njoftimit të Zyrës së Kryeministrit vazhdimi i bashkëpunimit të ngushtë dhe bashkërendimit të veprimeve ndërmjet Qeverisë së Kosovës me përfaqësuesit e vendeve të Qunit-it, ka qenë një nga temat e diskutimit në takim.
Sipas njoftimit aty po ashtu u diskutua për “marrëveshjen mbi zbatimin e udhërrëfyesit të energjisë, që mundëson pagesën e energjisë nga konsumatorët në komunat në veri të Kosovës, si dhe për zbatimin e marrëveshjes me ENTSO-E dhe rëndësinë që ka kjo për sovranitetin e vendit”.
Përveç këtyre temave, në takim është diskutuar edhe për zhvillimet politike në vend, si dhe për gjendjen e sigurisë në vend e rajon.
Po ashtu, sipas njoftimit të Zyrës së Kryeministrit, është diskutuar për dialogun në mes të Kosovës dhe Serbisë.