Kryeministri i Kosovës, Albin Kurti ka udhëtuar për në Mitrovicë për të marrë pjesë në një event sportiv.
Ai ka thënë se shembullin dhe rrugëtimin e kampiones botërore Majlinda Kelmendi po mundohet ta ndjekë në punën e tij si kryeministër i vendit.
“Majlinda Kelmendi në rrugëtimin e saj u bë simbol i shpresës dhe i përkushtimit në Republikën e Kosovës dhe anembanë botës. Sot, me kryet lartë Majlinda vazhdon të jetë synonim i çlirimit dhe i suksesit për secilin për jush”, ka thënë kryeministri.
Më tej Kurti ka shtuar se rruga e Majlinda Kelmendit duhet të jetë shembull për të gjithë.
“Ata që janë nxënës, rrugëtimi i Majlindës është shembulli të cilin të gjithë ju duhet ta synoni e ta ndiqni në cilindo angazhim në jetë. Tua them të drejtën, po mundohem edhe unë personalisht ta ndjek në detyrën që e kam”, ka përfunduar Kurti.
