Kryeministri i Kosovës, Albin Kurti, ka thënë se Bashkimi Evropian dhe Shtetet e Bashkuara të Amerikës kishin vënë bast për kalin e gabuar, që sipas tij është presidenti i Serbisë, Aleksandar Vuçiq.
Por, sipas Kurtit, Vuçiqi nuk ishte fare kalë, por dhelpër.
“Brukseli dhe Uashingtoni kanë vënë bast për kalin e gabuar në Serbi, në presidentin e atjeshëm. Në fund doli që nuk ishte fare kalë, por dhelpër”.
Më tej, kryeministri i Kosovës ka thënë se Serbia po lejon që Sputniku të mbajë bazën rajonale në Beograd.
“Askush as nuk e ka imagjinuar që një vit e pesë muaj pas agresionit rus në Ukrainë, Serbia nuk do të vendosë sanksione ndaj Moskës, por madje do të lejonte që Sputniku të mbante bazën rajonale në Beograd”, ka thënë Kurti.