Kryeminstri i Kosovës Albin Kurt i është bashkuar fushatës ndërkombëtare “Stand up for Ukraine”.
Përmes një videoadresimi, ai ka folur për bashkërendimin e Kosovës, krahpërkrah me vendet perëndimore në dënimin e agresionit rus mbi Ukrainën.
Kurti ka thënë se, Kosova i është bashkuar frontit demokratik duke i vendosur sanksione Rusisë ashtu siç kanë vepruar edhe vendet e Bashkimit Evropian (BE) dhe vendet e tjera Perendimore.
“Derisa pushtimi i paarsyetueshëm rus ndaj Ukrainës dhe popullit të saj po vazhdon, pamjet që po shohim na rikujtojnë rëndësinë e jashtëzakonshme të unitetit dhe solidaritetit evropian”, ka thënë Kurti.
I pari i qeverisë së kosovare gjtihashtu ditë më parë kishte thënë se, Kosova është zotuar dhe është e gatshme t’i strehojë rreth 5 mijë refugjatë ukrainas. Kosova gjithashtu ka nda mjete financiare për Ukrainën.