Analsiti Ylli Hoxha, në “Debat Plus” në RTV Dukagjini, ka thënë se kryeministri i Kosovës, Albin Kurti, nuk do ta marrë nënshkrimin e Marrëveshjes Bazike nga homologia e tij serbe.
“E ka shprehur këtë qëndrim nga fillimi dhe ka një insistrim që më shumë thekson raportin e Serbisë karshi marrëveshjes, sesa që është ndonjë përpjekje serioze për të marrë atë nënshkrim sepse nuk e merr”, ka thënë Hoxha.
“Jo që mosnënshkrimi është mosgatishmëri automatikisht, por që gjendja është mosgatishmëri, prandaj mosnënshkrimi bëhet si njëlloj simboli i ilustrimit të asaj gjendjeje që është Serbia”, ka thënë ai.
Sipas tij, ky është problemi fundamental.
Kryeministri i Kosovës, Albin Kurti, ka njoftuar se ka kërkuar nga kryeministrja e Serbisë, Ana Bërnabiq, që të nënshkruajnë Marrëveshjen Bazike dhe aneksin e Ohrit, por që e njëjta nuk ishte e interesuar.
Kështu ka thënë ai pas Samitit të Procesit të Berlinit që u mbajt në Tiranë, teksa u pyet nga gazetarët se a do të ketë dialog me Serbinë apo jo deri në momentin kur kjo e fundit të sanksionohet.
Lexo dhe: Kurti: I kërkova Bërnabiqit të nënshkruajmë Marrëveshjen Bazike, por s’ishte e interesuar
“Kemi marrëveshje me Serbinë, është ajo bazike e 27 shkurtit, ajo duhet të zbatohet dhe nën anën tjetër e kemi aneksin e Ohrit, unë kam ofruar që të nënshkruhen ato, është pala serbe ajo që ka refuzuar, edhe sot kam kërkuar nga kryeministrja serbe që ta nënshkruajmë marrëveshjen bazike dhe aneksin e Ohrit. Unë jam që të zbatohen ato pikërisht tani që presidenti i Serbisë është i zënë në Kinë me vizitën atje. Kam thënë le të nënshkruajmë bashkë më kryeministren e Serbisë, por ajo sërish nuk ishte e interesuar”, ka thënë kreu i ekzekutivit.