Kryeministri i Kosovës, Albin Kurti, ka përgëzuar Kombëtaren e Kosovës pas fitores së madhe që e çoi ekipin në finalen e plejofit për kualifikim në Botërorin 2026.
Në një reagim publik, Kurti uroi “Dardanët” dhe gjithë shqiptarët kudo që ndodhen, duke e cilësuar këtë sukses si një moment historik për futbollin kosovar.
“Urime Kosovës! Urime Dardanëve dhe gjithë shqiptarëve kudo që janë!
Ky ekip me këta tifozë, sonte kanë hapur një kapitull të ri të futbollit te ne. Loja e shkëlqyer dhe realizimet precize do të mbeten të paharrueshme përgjithmonë. Ashtu siç ëndërruam, edhe triumfuam. Aq shumë dëshiruam, saqë fituam shumë. Kampionati Botëror kurrë s’ka qenë më afër”, ka shkruar Kurti.