Kurti: Kosova, prijëse e respektimit të lirisë së besimit dhe fesë

Kreu i Qeverisë së Kosovës, Albin Kurti ka thënë se në Kosovë, liria e besimit dhe e fesë janë të garantuara duke shtuar "se edhe para miratimit të ligjit, respektimi i lirive fetare ka qenë në nivel"

Albin Kurti, kryeministër i Kosovës





Kryeministri i Kosovës, Albin Kurti dhe kryetari i Kuvendit, Glauk Konjufca, kanë marrë pjesë në dëgjimin publik për Projektligjin për Liritë Fetare.

Kurti, me këtë rast, tha se në Kosovë, liria e besimit dhe e fesë janë të garantuara, duke shtuar se edhe para miratimit të ligjit, respektimi i lirive fetare ka qenë në nivel, raporton EO.

“Ndër qëllimet e projektligjit është përditësimi i kornizës ligjore për liritë fetare. Liria e besimit dhe fesë është e garantuar. Liria e besimit dhe fesë ngërthen të drejtën për të pranuar fenë. Konventa për të drejtat e njeriut përcakton se çdokush ka të drejtën e lirisë së mendimit dhe fesë”, ka deklaruar Kurti.

Madje, ai tha se Kosova qëndron e para në rajon sa i përket sundimit të ligjit, ndërsa qëllim ka që të arrijë standardet në mbrojtjen e të drejtave të njeriut.

“Edhe para se të miratohej projektligji, Kosova qëndron mirë për respektimin fetar. Kosova qëndron e para në rajon në sundimin e ligjit. Edhe në këtë fushë, Qeveria synon të arrijë standarde në mbrojtjen e të drejtave të njeriut”.

Sipas Kurtit, një shoqëri e hapur si Kosova mirëpret qytetar nga çdo kënd i botës dhe se ndër qëllimet e projektligjit është për të promovuar pluralizmin fetar.

 

 





Shija e redaktorit

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Osmani: Historia e nënë Ferdonijes duhet të shërbejë si kujtesë...

Presidentja e Kosovës, Vjosa Osmani, ka folur mbi historinë e nënës Ferdonije Çerkezi, e cila ka humbur katër djemtë e saj dhe bashkëshortin gjatë...

Të fundit nga rubrika