Të shtunën e 24 dhjetorit, kryeministri i Kosovës, Albin Kurti, me ftesë nga Ipeshkiva e Kosovës, ka marrë pjesë në pritjen e organizuar për Krishtlindje.
Kryeminsitri Kurti i ka uruar ipeshkivit Dodë Gjergji dhe besimtarëve katolikë Krishtlindje të gëzuar, në qendrën “BogdaniPolis” në Katedralen “Shën Nënë Tereza” në Prishtinë.
“Kryeministri i Republikës së Kosovës, Albin Kurti, me ftesë nga Ipeshkiva e Kosovës, mori pjesë në pritjen e organizuar për Krishtlindje. Në qendrën “BogdaniPolis” në Katedralen ‘Shën Nënë Tereza’ në Prishtinë, Kryeministri Kurti i uroi ipeshkvit Dodë Gjergji dhe besimtarëve katolikë Krishtlindje të gëzuar”, ka njoftuar Zyra e Kryeministrisë.
Kryeministri Kurti i ka uruar besimtarët e krishterë edhe përmes llogarisë së tij në Facebook.
“Të dashur bashkëqytetarë, uroj që festën e Krishtlindjes ta kaloni në paqe e dashuri, me familjen e njerëzit tuaj më të dashur”, ka shkruar Kurti në Facebook.
Kurti ka theksuar se lindja e Krishtit përcjell porosinë e lindjes së paqes, të shpresës e dashurisë.